हृदयविकार :Heart Disease

  हृदयविकाराचा झटका म्हणजेच हार्ट अटॅक हा जगातील सर्व सामान्य आजारांपैकी एक आहे.वेळेवर लक्ष न दिल्याने हृदयविकाराचा झटका सर्व सामान्य रुग्णांसाठी जीवघेणी ठरतो.आपल्या सर्वांना हृदयविकारांबाबतची माहिती असलीच पाहिजे कारण हा आजार सर्वसामान्य आहे तुम्ही आज ऐकलेली ही माहिती उद्या कोणाचा तरी जीव वाचवू शकेल.

ह्रदयविकार रुग्णांसाठी आहार विषयी माहिती:-

 * योग्य व्यायाम सहित जेवण कमी करण्याचा सर्वात योग्य मार्ग होय.

* दरवेळी पोटात भूक कायम राहील अशा पद्धतीने जेवण घ्यावे. 

* गोड, तळीव पदार्थ, तूप वर्ज्य, भात, बटाटे, शेंगदाणे, खोबरं, नारळ त्यांचे सेवन कमी प्रमाणात करावे.

 * गाजर, टोमॅटो, कांदे, दोडका, पालक, मेथी व पालेभाज्या भरपूर प्रमाणात घेऊ शकता.

* फोडणीत तेलाचे प्रमाण अत्यंत कमी असावे. हृदयविकार असणात्यांनी करडीचे तेल (किंवा सफोला) वापरणे योग्य ठरेल.

* एकवेळ जेवण केल्याने व दिवसभर उपवास केल्याने वजन कमी न होता उलट वाढते..

*त्यामुळे तीन वेळा कमी प्रमाणांत जेवण करावे व एकाच वेळी पोटभर जेवल्याने वजन कमी होत नाही. दररोज सकाळी किंवा सायंकाळी किमान तीन किलोमीटर वेगाने किंवा डॉक्टरांच्या सल्ल्यानुसार चालण्याचा व्यायाम करावा.

* सकाळपासून सायंकाळपर्यंत काय खाल्ले याची नोंद ठेवावी व त्यातील कोणते पदार्थ घेणे चूकीचे आहे, याबद्दल योग्य व्यक्तीकडून / डॉक्टरांकडून सल्ला घ्यावा. 

* पातळ ताक, एक कप साय काढलेल दूध, दोन वेळा चहा, पातळ डाळी, एक भाकरी किंवा दोन लहान पोळ्या, किमान दोन भाज्या, कोथिंबीर दरवेळच्या जेवणात घेण्यास हरकत नाही. 

* वरील आहार पद्धतीचा व व्यायाम विषयक सल्ल्याचा अवलंब केल्याने वजन कमी होऊन पडणारा अनावश्यक ताण कमी होण्यास शक्य होते.